काठमाडौं । पहिरोको जोखिम बढेकाले बेनी–जोमसोम सडकखण्डको म्याग्दी भागमा रातिको समयमा सवारी सञ्चालन रोक्ने निर्णय भएको छ।
जिल्ला सुरक्षा समिति म्याग्दी र मुस्ताङको संयुक्त निर्णयअनुसार साउन २७ गते मंगलबार साँझदेखि बेनीदेखि घाँसासम्मको सडकमा हरेक दिन साँझ ६ बजेबाट बिहान ५ बजेसम्म सवारी आवतजावत पूर्ण रूपमा बन्द रहनेछ।
मुस्ताङका प्रमुख जिल्ला अधिकारी विष्णुप्रसाद भुसालका अनुसार अर्को सूचना जारी नहुँदासम्म रातिको यो प्रतिबन्ध लागू रहनेछ।
रघुगंगा गाउँपालिका–२, बैसरी, माझखर्क, अन्नपूर्ण गाउँपालिका–२ भुरुङभिर, ३ गुइठेभिर, सुकेबगर र काभ्रेभिरमा पहिरो खस्ने समस्या छ ।