काठमाडौं । काठमाडौंको सुन्दरीजलस्थित एकासी खोलामा बाढीका कारण बीचमा फसेका पाँच जनालाई नेपाली सेनाले सकुशल उद्धार गरेको छ ।
गोकर्णेश्वर नगरपालिका–१ मा अवस्थित सुन्दरीमाई मन्दिर नजिक खोलामा नुहाउने क्रममा आज बिहान साढे २ बजे पानीको बहाव अचानक बढेपछि चार भारतीय पर्यटक र एक नेपाली नागरिक खोलाको बीच भागमा फसेका थिए ।
घटनापछि नेपाली सेनाको चन्दननाथ गणबाट खटिएको उद्धार टोली, अन्य सुरक्षा निकाय तथा स्थानीयवासीको सहयोगमा उनीहरूलाई सुरक्षितरूपमा निकालिएको हो ।
बाढीले जलस्तर एक्कासी बढाउँदा खतरा बढेको भए पनि तत्काल परिचालित उद्धार टोलीको सक्रियताले ठूलो मानवीय क्षति हुनबाट जोगिएको हो ।