अनलाइन नेपाल
धनगढी । सुदूरपश्चिम प्रदेश सरकार र स्थानीय तहमा कार्यरत आन्दोलनरत कर्मचारीबीच लामो समयदेखि चलिरहेको विवाद समाधान गर्दै पाँच बुँदे सहमति भएको छ।
स्थानीय तहमा कार्यरत कर्मचारीको वृत्ति विकास, सेवाका शर्त र व्यवस्थापन सुनिश्चित गर्नका लागि बनाइएको ‘सुदूरपश्चिम प्रदेश स्थानीय सेवाको गठन, सञ्चालन र सेवाका शर्तसम्बन्धमा व्यवस्था गर्न बनेको विधेयक’ अविलम्ब जारी गर्ने शनिबार मध्येराति सहमति भएको हो ।
सो सहमतिसँगै आन्दोलनरत कर्मचारीहरुले आन्दोलन फिर्ता लिएका छन् । मुख्यमन्त्री कमल बहादुर शाहको निर्देशनमा गठित बार्ता टोली र संघर्ष समितिबीचको छलफलपश्चात् पाँच बुँदे सहमति सार्वजनिक गरिएको हो।
सहमतिमा सुदूरपश्चिम प्रदेश सरकारका तर्फबाट भौतिक पूर्वाधार विकास मन्त्री सुरेन्द्र बहादुर पालको संयोजकत्वमा प्रदेश सभा सदस्यहरू बिक्रम सिंह धामी र चक्र बहादुर मल्ल सहभागी थिए भने संघर्ष समितिको तर्फबाट विभिन्न निजामती कर्मचारी संगठनका प्रतिनिधिहरू सहभागी थिए।
हिमचुली मिडिया प्रा. लि.
इमेल: [email protected]
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply