अनलाइन नेपाल
काठमाडौं । प्रधानमन्त्रीको अध्यक्षतामा रहने संवैधानिक परिषद्ले समयमा नै पदपूर्ति प्रक्रिया शुरू गर्न नसक्दा निर्वाचन आयोगलगायतका महत्वपूर्ण ६ सवैधानिक आयोगहरू प्रमुखविहीन बन्न पुगेका छन् ।
प्रमुख निर्वाचन आयुक्त दिनेशकुमार थपलिया गत शुक्रवारदेखि आफ्नो ६ वर्षे कार्यकाल पूरा गरी अवकाशमा गएपछि निर्वाचन गराउने र निर्वाचनको आवश्यक तयारी गर्ने प्रमुख भूमिकामा रहेको निर्वाचन आयोग प्रमुखविहीन हुन पुगेको हो । जसका कारण आयोगको कामकारबाही नै प्रभावित हुने देखिएको छ ।
आयोगमा एक सदस्य पद महिनौंदेखि रिक्त रहँदै आएको छ । निर्वाचन आयोगका अतिरिक्त अन्य ५ वटा संवैधानिक आयोगका अध्यक्ष पनि अवकाशमा गएपछि ती आयोगहरू पनि नेतृत्वविहीन अवस्थामा छन् ।
राष्ट्रिय प्राकृतिक स्रोत तथा वित्त आयोगका अध्यक्ष बालानन्द पौडेल, थारू आयोगका अध्यक्ष विष्णुप्रसाद चौधरी, थारू आयोगका अध्यक्ष विजयकुमार दत्त र मुस्लिम आयोगका अध्यक्ष समिम मियाँ अन्सारी ६ वर्षे कार्यकाल पूरा गरी गत २०८१ साल चैत्र ७ गतेदेखि नै अवकाशमा गएपछि ती सबै आयोगहरू प्रमुखविहीन हुँदै आएका छन् । नेपाल समाचारपत्रबाट
हिमचुली मिडिया प्रा. लि.
इमेल: [email protected]
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply