अनलाइन नेपाल
काठमाडौं । परराष्ट्र मन्त्रालयले नेपालमा रहेका विदेशी नियोगका प्रमुख तथा विभिन्नअन्तर्राष्ट्रिय संघ संगठनहरुका प्रतिनिधि तथा राजदूतहरुका लागि रिट्रिट कार्यक्रम गरेको छ ।
नयाँ वर्षको पूर्वसन्ध्यामा आइतबार इलामको कन्याममा विभिन्न देशका १५ राजदूतसहित कूटनीतिज्ञहरु रमाएका हुन् ।
परराष्ट्रमन्त्री डा आरजु राणा देउवाको नेतृत्वमा परराष्ट्र मन्त्रालयका सचिव अमृत राईसहितका कर्मचारी, बोर्डका कर्मचारी, १५ देशका राजदूतलगायत ४५ जना उच्च अधिकारीले आज कन्याम भ्रमण गरे ।
टोलीलाई नगरपालिकाले कन्याम स्वागत गरेर वडा नं ४ स्थित श्रीअन्तु पुर्याएको छ । अतिथिलाई कन्याममा पञ्चैबाजाले स्वागत गरिएको थियो ।
परराष्ट्र मन्त्रालयले वार्षिक कार्यक्रमअन्तर्गत राजदूतलाई मुलुकका पर्यटकीय गन्तव्यको भ्रमण गराएको हो ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply