अनलाइन नेपाल
काठमाडौं । नेपालले आईसीसी यू–१९ विश्वकप एसिया छनोटमा आइतबार संयुक्त अरब इमिरेट्स (यूएई) लाई हराउँदै सुखद् सुरुवात गरेको छ ।
मूलपानी क्रिकेट मैदान (माथिल्लो) मा आइतबार भएको आफ्नो पहिलो खेलमा नेपालले पाहुना टोली यूएईलाई डीएल मेथडअनुसार पाँच रनले हराएको हो ।
यससँगै नेपालले टेस्ट राष्ट्र अफगानिस्तान, यूएई, ओमान र हङकङ सम्मिलित यू–१९ विश्वकप एसिया छनोटमा सुखद् सुरुआत गरेको छ । छनोटको विजेताले सन् २०२६ मा जिम्बाब्वे र नामिबियामा हुने विश्वकप खेल्नेछ ।
नेपाल र यूएईबीचको खेलमा मैदानमा हिलो भएपछि टस गर्न ढिलाइ हुँदा ४० ओभरमा छोट्याएको थियो । कप्तान नरेन भट्टको अर्धशतकप्रेरित नेपालले २०१ रनको लक्ष्य दिएको थियो । नेपालले दोस्रो खेल ओमानसँग सोमबार नै खेल्नेछ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply