अनलाइन नेपाल
काठमाडौं । रास्वपा सभापति रवि लामिछानेलाई पक्राउ गर्नेबारे आदेश हेरेपछि मात्र निर्णय लिने प्रहरीको तयारी छ । उच्च अदालतले सहकारी ठगी मुद्दामा पुर्पक्षका लागि थुनामा पठाउन आदेश गरेपछि प्रहरी पर्ख र हेरको अवस्थामा रहेको हो ।
शुक्रबार साँझ उच्च अदालतको तुलसीपुरको बुटवल इजलासले लामिछानेलाई थुनामा पठाउने आदेश गरेको थियो । यता प्रहरी महानिरीक्षक दीपक थापाले अदालतको लिखित आदेश आएपछि मात्र बाँकी निर्णय लिने जानकारी दिए ।
न्यायाधीश रमेश ढकाल र स्वीकृति पराजुलीको इजलासले लामिछानेलाई पुर्पक्षका लागि थुनामा पठाउन आदेश गरेको थियो । सुप्रिम सहकारी ठगी प्रकरणमा गत माघ १३ गते रुपन्देही जिल्ला अदालतका न्यायाधीश प्रहृलादकुमार योगीको इजलासले रविलाई एक करोड धरौटीमा रिहा गर्न आदेश दिएको थियो ।
सुप्रिम सहकारीमा रवि लामिछाने, छविलाल जोशी र जीबी राईसहित ४२ जनालाई प्रतिवादी बनाइएको छ । उनीहरूले सहकारीको ५५ करोड रुपैयाँभन्दा बढी रकम अपचलन गरेको अभियोग छ । जीबी राई भने फरार अवस्थामा रहेका छन् ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply