अनलाइन नेपाल
काठमाडौं । काठमाडौँ गोकर्णेश्वरस्थित मकलबारीमा एक युवकको हत्या गरी शव गाडेको अभियोगमा प्रहरीले ६ जनालाई पक्राउ गरेको छ ।
पक्राउ पर्नेमा सर्लाहीको चक्रघट्टा गाउँपालिका १ घर भई हाल जिल्ला गोकर्णेश्वर ५ बाहुनधारा बस्ने २२ वर्षका निपु मण्डल, १८ वर्षका बिजय यादव, १८ वर्षका करन कुमार महतो, २३ वर्षका जोधन मण्डल, ४५ वर्षका उत्तम मण्डल र भारतको बिहार घर भई हाल दक्षिणढोका वस्ने २९ वर्षका सुनिल शर्मा रहेका छन् ।
उनीहरुलाई जिल्ला प्रहरी परिसर काठमाडौँको टोलीले विभिन्न स्थानबाट पक्राउ गरेको हो । सर्लाही चक्रघट्टा गाउँपालिका ८ स्थायी घर भई हाल काठमाडौँको गोकर्णेश्वर ५ बाहुनधारा बस्ने वर्ष १९ का राहुल साहको शव चैत १५ गते जमिनमा गाडिएको अवस्थामा फेला परेको थियो ।
उनी चैत ११ गतेदेखि हराएको भनि प्रहरी वृत्त बौद्धमा जानकारी प्राप्त भई खोजतलास गर्ने क्रममा गोकर्णेश्वर ८ माकलबारीमा सञ्चालित आरके मोटरसाइकल वर्कसपको पछाडि रहेको जमिनमा गाडिएको अवस्थामा उनको शव फेला परेको थियो ।
उक्त घटनाको प्रारम्भिक अनुसन्धानको क्रममा लेनदेनको विषयलाई लिई उनीहरूले युवकको हत्या गरेको खुलेको छ । उनीहरुमाथि काठमाडौँ जिल्ला अदालतबाट पाँच दिनको म्याद थप गरी प्रहरीले अनुसन्धान थालेको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply