अनलाइन नेपाल
डोटी । केदार सूर्य बहुमुखी क्याम्पस विपिनगर, डोटीमा सम्पन्न स्वतन्त्र विद्यार्थी युनियन (स्ववियु) निर्वाचनमा अखिल (क्रान्तिकारी)की उम्मेदवार यशोदा बोहरा विजयी भएकी छन् ।
उनले ४६ मत प्राप्त गर्दै नेविसंघकी उम्मेदवार रमिता बोहरालाई पराजित गरेकी हुन् ।
कुल ९८ मतदाता रहेकोमा ८४ मत खसेको थियो । मतगणनाको क्रममा अखिल (क्रान्तिकारी) ले ४६ मत प्राप्त गर्दा नेविसंघले ३७ मत प्राप्त गर्यो। एक मत बदर भएको छ।
यस्तै सचिवमा अनेरास्ववियुका विक्रम साउद निर्वाचित भएका छन् । उनले र नेविसंघका भक्त पातलीले समान ४२ मत प्राप्त गरेका थिए । गोला प्रथाबाट साउद चुनिएका हुन् ।
कोषाध्यक्षमा नेविसंघकी हिरा मन्नी निर्वाचित हुँदा सदस्य सदस्यहरूमा अखिल क्रान्तिकारीकी शान्ति खडायत, अनेरास्ववियुकी लीला साउद र अनेरास्ववियुकी विनिता विक निर्वाचित भएकी हुन्
यो जितसँगै अखिल (क्रान्तिकारी) ले केदार सूर्य बहुमुखी क्याम्पसको विद्यार्थी नेतृत्व हात पार्न सफल भएको छ । यसअघि नेविसंघका उम्मेदवार विजयी भएका थिए ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply