अनलाइन नेपाल
भैरहवा । रुपन्देहीको भैरहवास्थित गौतमबुद्ध अन्तर्राष्ट्रिय विमानस्थलबाट गाँजासहित भारतीय महिला पक्राउ परेकी छन् ।
थाई एयर एसियाको जहाजमा थाइल्याण्डको बैंककबाट गौतमबुद्ध अन्तर्राष्ट्रिय विमानस्थल भैरहवा आएकी महाराष्ट्र प्रदेश मुम्बईको गुलनाज बेगलाई प्रहरीले साढे सात किलो अवैध गाजासहित पक्राउ गरेको हो ।
विमानस्थलको सुरक्षार्थ खटिएका प्रहरी निरीक्षक अर्जुन पौडेलको कमाण्डमा रहेको प्रहरी टोलीले बेगले ल्याएको सुटकेस खानतलासी गर्दा साढे सात किलो गाँजा बरामद गरेको प्रहरीले जनाएको छ।
महिलालाई पक्राउ गरेर थप अनुसन्धान र आवश्यक कारबाहीका लागि जिल्ला प्रहरी कार्यालय रुपन्देहीमा पठाइएको छ ।
बरामद गाँजा २६ थान प्याकेटमा प्याक गरेर थाई एयर एसियाको विमानमार्फत ल्याइएको थियो ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply