अनलाइन नेपाल
काठमाडौं । युवा तथा खेलकुदमन्त्री तेजुलाल चौधरीले नेपाल ओलम्पिक कमिटीको नयाँ कार्यसमितिले गरेका सबै काम गैरकानुनी रहेको बताएका छन्।
ओलम्पिक कमिटीमा निस्किएको विवादबारे आइतबार पत्रकार सम्मेलन गर्दै खेलकुदमन्त्री चौधरीले सो कुरा बताएका हुन् । उनले अहिलेको कार्यसमिति अवैधानिक रहेको बताए।
ओलम्पिक कमिटीका अध्यक्ष जीवनराम श्रेष्ठलाई गत मंगलबार कुवेतस्थित अध्यागमन विभागले डीपोर्ट हुन रोकेपछि यो विषयले ठूलो रुप लिएको छ।
हालः भएको कार्यसमितिले राष्ट्रिय खेलकुद परिषद (राखेप)को विधान विपरीत चुनाव गराएको र विधान संसोधन गरेकोमा सरकारको आपत्ति रहेको उनले बताए।
ओलम्पिक कमिटीले नेपालले भाग लिने अन्तर्राष्ट्रिय प्रतियोगिताहरूको नियमन गर्दै आएको थियो। हालः भने राखेप तथा सरकारले उक्त कमिटीलाई वैधानिकता दिएको छैन।
उनले ओलम्पिक कमिटीको विवाद नटुंगिए पनि खेलाडीलाई अन्तर्राष्ट्रिय प्रतियोगितामा सहभागी हुन भने कुनै पनि व्यवधान नहुने बताए।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply