अनलाइन नेपाल
अछाम । अछामकी एक १२ वर्षीया बालिका बलात्कृत भएको घटना सार्वजनिक भएको छ । भारतको गुजरातमा रोजगारी गर्न गएका बुवाआमासँगै रहेकी ती बालिका झण्डै ५० वर्षीय पुरुषबाट बलात्कृत भएकी हुन् ।
तर अहिले पेटमा करिब २५ हप्ता भन्दा बढीको बच्चा रहेको थाहा भएपछि घटना सार्वजनिक भएको छ । चौरपाटी गाउँपालिका घर भएकी ती बालिका अहिले बुवाआमा सँगै घर फर्किसकेकी छिन् ।
बलात्कारको घटना बाहिरिएपछि बालिकाका आफन्तहरु अहिले न्यायको खोजीमा भौतारिरहेका छन् । बलात्कारको आरोप लागेका पुरुष अहिले पनि भारतमै छन् ।
घटना बाहिरिएपछि पिडित बालिकाका आफन्तले ती युवकलाई समातेर भारतीय प्रहरीको जिम्मा लगाएका थिए । तर स्रोतका अनुसार ती आरोपित पुरुष दोस्रो दिन त्यहाँबाट भागेका थिए । बलात्कृत बालिका र आरोपित पुरुष फरक-फरक वडाका हुन् ।
ती पुरुषविरुद्ध जिल्ला प्रहरी कार्यालय अछाममा जबरजस्ती करणीमा मुद्धा दर्ता भएको छ । केही दिन अगाडी मात्रै बालिकाका आफन्तले जिल्ला प्रहरी कार्यालयमा मुद्धा दर्ता गरिसकेको अछामका प्रहरी प्रमुख ईश्वरी प्रसाद भण्डारीले जानकारी दिए ।
मुद्धा दर्ता भएसँगै अछाम प्रहरीले भारतमा लुकेका उनको खोजी कार्यका लागि विभिन्न प्रयास गरिरहेको छ । अहिले करिब ३३ हप्ताको गर्भ पुगिसकेकाले बालिकाको अवस्था जटिल बन्दै गएको छ । बालिकाको भने हाल उपचार भइरहेको बताइएको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply