अनलाइन नेपाल
पर्सा । वीरगञ्ज महानगरपालिकामा बाख्राको मासुलाई खसीको मासु भनी विक्री गरेको आरोपमा एकजना पक्राउ परेका छन् ।
महानगरपालिकाको वडा नं. १३, प्रतिमा चोकस्थित आसमिन फ्रेस हाउसका सञ्चालक ४१ वर्षीय हारून मियाँ अन्सारीलाई पक्राउले पक्राउ गरेको हो ।
प्राप्त सूचनाका आधारमा जिल्ला प्रहरी कार्यालय मातहत वडा प्रहरी कार्यालय श्रीपुरबाट खटिएको टोलीले फ्रेस हाउसको तलासी लिँदा बाख्राको मासुमा खसीको अण्डकोष सिलाएर टाँसी बेचिरहेको अवस्थामा भेटिएको थियो ।
उक्त कार्य गैरकानुनी भएको पुष्टि भएपछि प्रहरी टोलीले अन्सारीलाई नियन्त्रणमा लिएको छ । सो फ्रेस हाउसबाट करिब १५ केजी बाख्राको मासु समेत बरामद गरिएको जिल्ला प्रहरी कार्यालय पर्साले जनाएको छ ।
पक्राउ परेका अन्सारीलाई कालो बजारी सम्बन्धी कसुरमा जिल्ला प्रशासन कार्यालय, पर्साबाट पाँच दिनको म्याद थप गरी प्रहरीले थप अनुसन्धान प्रक्रिया अघि बढाइएको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply