अनलाइन नेपाल
धनुषा । नेपाली कांग्रेस मधेस प्रदेशसभाका प्रमुख सचेतक कुमारकान्त झाले धनुषा प्रहरीले एक महिलालाई अर्धवस्त्रमै पक्राउ गरेको भन्दै आपत्ति जनाएका छन् ।
सोमबार प्रदेशसभा बैठकमा उनले धनुषाको मिथिला नगरपालिका–१ निवासी रामदेव महतोकी बुहारी बबिता महतो नुहाइरहेको बेला पक्राउ परेको दाबी गर्दै घटनाको न्यायिक छानबिनको माग गरेका हुन् ।
प्रहरीले बबितालाई पेटिकोट र ब्लाउज लगाएको अवस्थामा समातेर जिल्ला प्रहरी कार्यालय धनुषामा राखिएको घटना सम्बन्धमा प्रदेशसभा सदस्य झाले सदनमार्फत सरकारको ध्यानाकर्षण गराए ।
तर, जिल्ला प्रहरी कार्यालय धनुषाले पक्राउ परेकी महिला बबिता नभई बिनिता महतो भएको र कानुनी प्रक्रिया अनुसार नै पक्राउ गरिएको स्पष्ट पारे ।
बैंकिङ कसुरका फरार प्रतिवादी रहेकी उनीसँगै प्रहरीले सोही ठाउँकी रञ्जुकुमारी महतोलाई पनि पक्राउ गरिएको जनाएको छ । पक्राउ परेका दुवै महिलालाई अदालतमा पेस गरिसकेको बताइएको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply