अनलाइन नेपाल
अछाम । नेकपा एमालेका उपाध्यक्ष राम बहादुर थापा ‘बादल’ अछाम पुगेका छन् । पूर्व गृह एवं रक्षामन्त्री समेत रहेका बादल जिल्ला भेला र प्रशिक्षणका लागि अछाम आइपुगेका हुन् ।
आज जिल्ला कमिटी अछामले मंगलसेनमा अगुवा कार्यकर्ता भेला आयोजना गरेको छ । भेलालाई एमाले उपाध्यक्ष बादलले सम्बोधन गर्नेछन् ।
नेकपा एमालेको तीन महिने वडा केन्द्रीत अभियान अन्तर्गत अछाम जिल्लामा अगुवा कार्यकर्ता भेलाको आयोजना गरिएको बताइएको छ ।
पार्टी केन्द्रको निर्णय अनुसार नेकपा एमाले अछाम अहिले तीन महिने वडा केन्द्रित अभियानमा सक्रिय छ । यता एमालेबाट निष्कासनमा परेका भीम रावल दुई हप्ता अछाम बसेर फर्किएका छन् ।
रावल फर्किएपछि रावलको गृहजिल्लामा बादल प्रवेश गरेका हुन् । रावल मातृभूमि जागरण अभियान, नेपाल बोकेर गृहजिल्ला पुगेका थिए । उनले त्यहाँका विभिन्न स्थान र पालिकामा आफ्ना गतिविधि गरेका थिए ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply