अनलाइन नेपाल
एजेन्सी । अमेरिकी सरकारी दक्षता विभागका निर्देशकसमेत रहेका खर्बपति एलन मस्कले अमेरिकी अन्तर्राष्ट्रिय विकास नियोग (यूएसएआईडी) आपराधिक संगठन भएको बताएका छन् ।
आफ्नै सामाजिक सञ्जाल एक्समा पोस्ट गर्दै मस्कले सो कुरा बताएका हुन् । मस्कले एक्समा लेखेका छन्, ‘यूएसएआईडी एक आपराधिक संगठन हो, अब यसलाई बन्द गर्ने समय आइसकेको छ ।’
मस्कले यूएसएआईडी बन्द गर्ने प्रक्रिया थालिएको बताए। अमेरिकी राष्ट्रपति डोनाल्ड ट्रम्पले पनि यूएसएआईडीलाई बन्द गर्ने निर्णयमा समर्थन जनाएको उनको भनाइ छ ।
संसदीय स्विकृतिबेगर संघीय निकाय बन्द गर्ने कानुनी अधिकार के हो भन्नेबारे मस्कले आफ्नो पोस्टमा केही पनि उल्लेख गरेका छैनन् ।
यो प्रक्रिया कहिलेदेखि शुरु गर्ने भन्ने पनि खुलाएका छैनन् । यस विषयमा ट्रम्पसँगै धेरैपटक छलफल भएको र यसमा राष्ट्रपतिको पूर्ण समर्थन रहेको मस्कको दाबी छ । अहिले यूएसएआईडीको वेबसाइड बन्द गरिएको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply