अनलाइन नेपाल
कञ्चनपुर । नेपाली कांग्रेसका कञ्चनपुरको भीमदत्त नगर सभापति अच्युत कलौनी मृत फेला परेपछि गृहमन्त्री रमेश लेखक कञ्चनपुर पुगेका छन् ।
शनिबार बिहान भीमदत्त नगरपालिका–१८ स्थित सडक पेटीमा कलौनी मृत फेलापछि दिउँसो गृहमन्त्री लेखक कञ्चनपुरको महेन्द्रनगर पुगेका हुन् ।
जिल्ला प्रहरी कार्यालय कञ्चनपुरका अनुसार गृहमन्त्री लेखकले महाकाली प्रादेशिक अस्पतालमा पुगेर मृतक कलौनीका आफन्तलाई भेटेका छन् ।
गृहमन्त्रीसमक्ष मृतक कलौनीका बुवाले घटना अर्कै स्थान भएको र शव यहाँ फालेको आशंका व्यक्त गरेका छन् । घटनास्थलमा तालिमप्राप्त कुकुर पनि परिचालन गरिएको थियो ।
प्रहरीले घटनाको थप अनुसन्धान थालेको छ । कांग्रेसका नगर सभापति अच्युत शनिबार बिहान भीमदत्त नगरपालिका–१८ को वडा कार्यालय नजिकै सडक पेटीमा मृत अवस्थामा फेला परेका थिए । उनको शव पोस्टमार्टमका लागि अहिले महाकाली प्रादेशिक अस्पतालमा राखिएको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply