हामी संसद् छलेर भागेका होइनौं, बदनियत छैन : सञ्चारमन्त्री गुरूङ

अनलाइन नेपाल

मंगलबार, १५ माघ २०८१

201

काठमाडौं । सञ्चार तथा सूचना प्रविधिमन्त्री पृथ्वीसुब्बा गुरूङले सरकार संसद् छलेर नभागेका बताएका छन्।

प्रधानमन्त्री तथा मन्त्रिपरिषद् कार्यालयमा बसेको मन्त्रिपरिषद् बैठकपछि बोल्दै सञ्चारमन्त्री गुरूङले सो कुरा बताएका हुन् ।

उनले सरकारले संसद् छलेर अध्यादेश नल्याएको भन्दै कुनै बदनियत नभएको स्पष्ट पारे ।

सञ्चारमन्त्री गुरूङले भने,‘यो सरकारको संवैधानिक अधिकार हो । मुलुकको आवश्यकताको लागि, सुशासन प्रवद्र्धन गर्नका लागि र अर्थतन्त्रमा देखिएका समस्या समाधानका लागि अध्यादेश ल्याइएको हो । अध्यादेश कसरी बदनियत हुन्छ ? संसद्‌बाट छलेर भागेको भए छुट्टै, संसद्मा पेस भएर पारित हुन्छ । यो प्रतिपक्षीको भाषा होला ।’

अध्यादेश ल्याउनुमा सरकारको बदनीयत नभएको पनि उनको भनाइ छ। सञ्चारमन्त्री गुरूङले अध्यादेश ल्याउने सरकारको संवैधानिक अधिकार भएको जिकिर गरे ।

सञ्चारमन्त्री पृथ्वीसुब्बा गुरुङ

सम्बन्धित विषय