अनलाइन नेपाल
कञ्चनपुर । कञ्चनपुरमा फेरि एकजना जवानले आफैमाथि गोली चलाएका छन् । १२ पुसमा कञ्चनपुरमा जवानले आफैमाथि गोली चलाएको घटना सेलाउन नपाउँदै फेरि अर्का प्रहरी जवान वकिल विष्टले आफैमाथि गोली हानेका हुन् ।
बुधबार राति सवा ८ बजेतिर महेन्द्रनगरस्थित विपद् व्यवस्थापन गुल्ममा कार्यरत प्रहरी जवान विष्टले आफैमाथि गोली चलाएको जिल्ला प्रहरी कार्यालय कञ्चनपुरले जनाएको छ ।
गोली प्रहारबाट विष्ट गम्भीर घाइते भएका छन् । विष्टको नाकमा गोली लागेको छ । विष्टको उपचारका लागि महाकाली अस्पतालमा लगिएको थियो ।
तर त्यहाँबाट पनि रिफरको तयारी गरिरहेको बताइएको छ । घटनाको कारण पत्ता लागेको छैन । प्रहरीले अनुसन्धान थालेको छ ।
करिब एक महिना अघि (१२ पुस) पनि जिल्ला प्रहरी कार्यालय कञ्चनपुरमा कार्यरत प्रहरी जवान चक्रप्रसाद न्यौपानेले आफैमाथि गोली चलाएका थिए ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply