अनलाइन नेपाल
अछाम । नेकपा एमाले अछामले डा. भीम रावलको पक्षमा लाग्ने नेताहरुलाई कारबाही गरेको छ ।
एमाले अछामले बुधबार विज्ञप्ति जारी गर्दै जिल्ला सचिवालय सदस्य तथा संगठन विभाग प्रमुख प्रकाश शाहसहित ६ जना नेतालाई पार्टीको साधारण सदस्यसमेत नरहने गरी निष्कासित गरेको हो ।
उनीहरु पार्टीबाट निष्कासित पूर्वउपाध्यक्ष भीम रावलको पक्षमा सक्रिय रुपमा देखिएका छन् ।
जिल्ला अध्यक्ष चन्द्र बोहरा र सचिव भीम रावलद्वारा हस्ताक्षरित विज्ञप्तिमा जिल्ला सचिवालय सदस्य तथा संगठन विभाग प्रमुख प्रकाश शाह, सचिवालय सदस्य सागर सिंह बाव्ली, जिल्ला कमिटी सदस्य बल बहादुर कुँवर, शंकर भुल, रतन बहादुर रावल र साँफेबगर नगर कमिटीका अध्यक्ष ढकेन्द्र कुँवरलाई पार्टीबाट निष्कासित गरिएको उल्लेख छ ।
उनीहरु नेतृत्व विरुद्ध नाराबाजी गर्नुका साथै मातृभूमि अभियानमा लागेका छन् । अहिले एमालेबाट निष्कासित नेता डा. रावल अछाममा मातृभूमि अभियान सञ्चालन गरिरहेका छन् ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply