काठमाडौं। प्रधानमन्त्री केपी शर्मा ओलीले वर्तमान सरकार ढल्ने हल्लाका पछि नलाग्न आग्रह गरेका छन् ।

बालुवाटारमा आज बिहान उद्योगी व्यवसायीहसँगको भेटघाट कार्यक्रममा बोल्दै प्रधानमन्त्री ओलीले यस्तो बताएका हुन्।

उनले सरकार ढल्दैछ भन्ने हल्ला भ्रम भएको र सत्ता गठबन्धन पूरै अवधि जाने बताए । उनले माओवादी अध्यक्ष प्रचण्डप्रति लक्षित गर्दै राम्रा काम हुँदा पनि विरोध मात्रै गरिरहेको बताए ।

माओवादी अध्यक्ष प्रचण्डले मंगलबार मात्रै सुकेटेमा पत्रकारसँग सरकार आफ्नै कारणले ढल्न लागेको टिप्पणी गरेका थिए ।

त्यसकै जवाफमा प्रधानमन्त्री ओलीले सरकार ढल्छ भन्ने भ्रममात्रै भएको बताए। प्रधानमन्त्री ओलीले सरकारको नेतृत्व गर्नेहरुले विकास गरौं भन्ने इच्छाशक्ती नदेखाउँदा देशमा यो अवस्था आएको बताए ।