काठमाडौं । राष्ट्रिय प्रजातन्त्र पार्टी(राप्रपा)का अध्यक्ष राजेन्द्र लिङदेनले नेपाली नोटमा पृथ्वीनारायण शाहको तस्बिर अङ्कित गर्नुपर्ने प्रस्ताव गरेका छन् ।

शनिवार पृथ्वी जयन्तीका अवसरमा राप्रपाले आयोजना गरेको चियापान कार्यक्रमकै बिचमा पत्रकारसँग कुरा गर्दै अध्यक्ष लिङदेनले यस्तो प्रस्ताव गरेका हुन् । 

‘पृथ्वी नारायण शाहको सम्मानमा नेपालको नोटमा उहाँको तस्बिर अङ्कित गर्नुपर्छ,’ लिङदेनले भने, ‘यसमा ढिलाइ गर्नुहुन्न ।’ 

पृथ्वी नारायण शाहको सम्मान गर्दा कसैले पनि हीनताबोध नगर्नुपर्ने पनि उनले बताए ।