कैलाली । जिल्ला प्रहरी कार्यालय कैलालीमा कार्यरत एक प्रहरी प्रहरी सहायक निरीक्षक (असई) को जिम्मेवारी खोसिएको छ ।

धनगढीको बुद्धचोकस्थित बाडुली रोधीघर एण्ड रेस्टुरेन्ट बारमा लफडा भएपछि असई अमर भण्डारीलाई जिम्मेवारीबाट हटाइएको हो ।

उजुरी तथा छानबिन शाखामा कार्यरत उनलाई कारबाही स्वरुप जिम्मेवारीबाट हटाइएको कैलाली प्रहरीले जनाएको छ । बाडुली रोधीघरलाई असई भण्डारीले आफ्नो भन्दै आएका थिए ।

सोही रोधिघरमा भएको एक लफडाको विषय जिल्ला प्रहरी कार्यालयमा आएको थियो । उनको सो प्रकरणमा स्वार्थ जोडिएको भन्दै गुनासो गरिएपछि शाखाबाट हटाएर ड्युटी लगाइएको छ ।

असई भण्डारीको रोधीघरमा नाङ्गो नाचदेखि विभिन्न लफडा हुँदै आएका आरोप छ । असई भण्डारीले दाईको लगानी रहेको रोधीघरलाई आफ्नो दाबी गर्दै आएको बताइएको छ ।