काठमाडौं । नेपाल प्रहरीका एकजना प्रहरी नायव उपरीक्षकलाई प्रहरी उपरीक्षकमा बढुवा सिफारिस गरिएको छ ।

मंगलबार बसेको बढुवा समितिको बैठकले प्राविधिक प्रहरी समूह, संगिततर्फका डीएसपी भुलाराज खनाललाई एसपीमा बढुवा सिफारिस गरेको हो ।

बढुवाका लागि गरिएको सिफारिस सूची प्रहरी नियमावली, २०७१ को नियम २७ को उपनियम (४) अनुसार प्रकाशित गरिएको प्रहरी प्रधान कार्यालयले जनाएको छ ।

उनी नेपाल प्रहरी संगित विद्यालय महाराजगंज, काठमाडौंमा कार्यरत रहेका छन् ।