काठमाडौं । गृहमन्त्री रमेश लेखकले एनआरएनए नागरिकताको समस्या छिट्टै समाधान हुने बताएका छन्।

गैरआवासीय नेपाली संघका अध्यक्ष बद्री केसीको नेतृत्वको प्रतिनिधिमण्डलसँगको अन्तरक्रियाका क्रममा बोल्दै गृहमन्त्री लेखकले यस्तो बताएका हुन् ।

उनले गैरआवासीय नेपाली नागरिकताको पूर्ण कार्यान्वयनसम्बन्धी समस्या छिट्टै समाधान हुने बताए।

गृहमन्त्री लेखकले गैरआवासीय नेपाली नागरिकताको पूर्ण कार्यान्वयनमा देखा परेका जटिलता संसद्को आगामी अधिवेशनबाटै सम्बोधन गर्ने प्रतिबद्धता जनाए।