काठमाडौं। ग्रेटर नेपालका अभियन्ता फणीन्द्र नेपाल पक्राउ परेका छन्।

सिंहदरबार दक्षिणी गेटमा धर्ना बस्ने क्रममा नेपाललाई प्रहरीले पक्राउ गरेको हो।

नेपालले निषेधित क्षेत्र तोड्न लागेकोले नियन्त्रणमा लिइएको सिंहदरबार प्रहरी वृत्तले जनाएको छ ।

नेपालले सुगौली सन्धिमार्फत भारतमा गाभिएको ६० हजार वर्ग किलोमिटर नेपाली भूमि फिर्ता हुनुपर्ने माग राखेर उनले अभियान सञ्चालान गर्दै आइरहेका छन्।

नेपालले सामाजिक सञ्जाल फेसबुकमार्फत आफू सोमबार १२ बजेदेखि ४ बजेसम्म सिंहरदरबारको दक्षिणी ढोकामा धर्नामा बस्ने जानकारी गराएका थिए ।