सिराहा । उपप्रधान एवं सहरी विकासमन्त्री प्रकाशमान सिंहले प्रहरी समायोजन सम्बन्धि विधेयक आउने अधिवेशनबाट पारित हुने बताएका छन् ।

लहान नगरपालिकाको १५ औं नगरसभालाई शुक्रबार लहानमा सम्बोध नगर्दै उपप्रधानमन्त्री सिंहले यस्तो बताएका हुन् ।

उनले विधेयक पारित भएपछि संघीयता अझ बलियो रुपमा कार्यन्वयनको बाटोमा अघि बढ्ने बताए । यस्तै उनले निजामती कर्मचारी समायोजन सम्बन्धि विधेयक आउने अधिवेशनबाट पारित हुने जानकारी दिए ।

संविधानले नै सहमति, सहकार्य र सहअस्तित्व परिकल्पना गरिसकेको उल्लेख गर्दै स्थानीय, प्रदेश र संघीय सरकारबीच सोही बमोजिमको समन्वय हुनु पर्नेमा उनको जोड थियो ।

स्थानीय सरकारले जनतालाई केन्द्रबिन्दुमा राखेर कार्य गर्न उनको आग्रह थियो ।