काठमाडौँ । नेपाली कांग्रेसका नेता कृष्णप्रसाद सिटौलाले अहिलेको सरकार नेपाली कांग्रेसको बलमा रहेको बताएका छन् ।

बिहीबार काठमाडौँमा आयोजित एक कार्यक्रममा बोल्दै उनले यस्तो बताएका हुन् । उनले प्रधानमन्त्री केपी शर्मा ओली कांग्रेसको बलमा सरकारमा रहेको बताए ।

कांग्रेसको साहरामा प्रधानमन्त्री बनेकाले कांग्रेसबेगर एक्लै अगाडि बढ्न नसक्ने उनको भनाइ छ ।

उनले भने, ‘आखिर यो सरकार हाम्रो बलमा छ। केपी ओलीजी प्रधानमन्त्री हाम्रो बलमा हुनुहुन्छ। हाम्रो सहारामा हुनुहुन्छ। हामीबेगर उहाँ अगाडि एक्लै जान सक्नुहुन्छ भनेर हामी कोही पनि कल्पना गर्न सक्दैनौँ।’