काठमाडौं । प्रधानमन्त्री केपी शर्मा ओली र पूर्वराष्ट्रपति विद्यादेवी भण्डारीबीच भेटवार्ता भएको छ ।

एमाले अध्यक्षसमेत रहेका ओलीले भण्डारीलाई भेट्न उनको बुढानीलकण्ठस्थित निवासमै गएका हुन् ।

करिब दुई घण्टा भएको भेटमा एमालेको पछिल्लो राजनीतिक गतिविधि र समसामयिक विषयमा छलफल भएको बताइएको छ ।

पार्टी राजनीतिमा सक्रियता बढाउँदै गएकी भण्डारीसँगको भेटलाई महत्वका साथ हेरिएको छ ।