काठमाडौं । गृहमन्त्री रमेश लेखकले वर्तमान सरकारको प्राथमिकता नै भ्रष्टाचार नियन्त्रण र सुशासन कायम राख्नु रहेको बताएका छन् ।

संसदको राज्य व्यवस्था समितिको बैठकमा बोल्दै गृहमन्त्री लेखकले यस्तो बताएका हुन्।

सरकारको प्राथमिकता नै भ्रष्टाचार नियन्त्रण भएको भन्दै गृहमन्त्री लेखकले भ्रष्टाचार नियन्त्रण र सुशासन स्थापना गर्नु सरकारको दायित्व समेत रहेको बताए ।

भ्रष्टाचार नियन्त्रणका लागि सरकारलाई सहयोग गर्न उनको आग्रह छ । उनले भ्रष्टाचारको अनुसन्धानमा कुनै हदम्याद नहुने पनि बताए ।