काठमाडौं । प्रधानमन्त्री केपी शर्मा ओली र श्रीलंकाका पूर्वराष्ट्रपति रनिल विक्रमासिङ्घेबीच भेटवार्ता भएको छ ।

प्रधानमन्त्री निवास, बालुवाटारमा उनीहरुबीच दुई देशबीचको आपसी सम्बन्ध र परस्पर हितका विविध पक्षमा कुराकानी भएको हो ।

भेटका अवसरमा प्रतिनिधि सभाका सदस्य एवं उद्योगपति विनोद चौधरीसमेत सहभागी थिए।

यही पुस १३ गते निजी भ्रमणमा नेपाल आएका श्रीलंकाका पूर्वप्रधानमन्त्रीसमेत रहेका विक्रमासिङ्घे आजै स्वदेश फर्कंदै छन् ।