काठमाडौं । हाल देशमा पश्चिमी वायुको सामान्य प्रभाव रहेको छ ।

जसको प्रभावले दिउँसो हिमाली तथा पहाडी क्षेत्रमा आंशिक बदली रही बाँकी भेगको मौसम मुख्यतया सफा रहने छ ।

मौसम पूर्वानुमान महाशाखाका अनुसार बागमती, गण्डकी र सुदूरपश्चिम प्रदेशमा आंशिक बदलीको सम्भावना छ ।

अन्य स्थानमा मौसम सामान्यतया सफा रहनेछ । राति पनि आंशिक बदलीदेखि मुख्यतया मौसम सफा रहने महाशाखाले जनाएको छ ।

हुस्सु र कुहिरो लागेको ठाउँमा सवारी साधन चलाउँदा सावधानी अपनाउन महाशाखाले अनुरोध गरेको छ ।