सुनसरी । सुनसरीका दुई स्थानमा शंकास्पद वस्तु फेला परेका छन् । सुनसरी प्रहरीका अनुसार इटहरी उपमहानगरपालिकाको गेट अगाडि र धरानको भोटे पुल नजिकै शंकास्पद वस्तु फेला परेका हुन् ।

उपमहानगरपालिकाको गेट अगाडि कालो झोलामा तारसहितको शंकास्पद वस्तु फेला परेको जानकारी आएपछि अहिले नेपाली सेनाले टोलीले डिस्पोज गरेको सुनसरी प्रहरीले जनाएको छ ।

यता भोटे पुलमा पनि बम राखेको भन्दै प्रहरीलाई सूचना आएपनि उक्त स्थानमा भने शंकास्पद वस्तु फेला परेको छैन ।

यद्धपी प्रहरीले खोजतलास गरिरहेको छ । प्रहरीलाई राजावादी समूहको नाममा बम राखेको भन्दै जानकारी आएको बताइएको छ । प्रहरीले थप अनुसन्धान गरिरहेको छ ।