प्यूठान । नेकपा माओवादी केन्द्रका उपमहासचिव वर्षमान पुनले जनताले माओवादी एक्लै एजेण्डामा टेकेर उभियोस् भन्ने चाहेको टिप्पणी गरेका छन् ।

माओवादी केन्द्र स्वर्गद्वारी नगरपालिकाको तेस्रो नगर अधिवेशनलाई सम्बोधन गर्दै पूर्वअर्थमन्त्रीसमेत रहेका पुनले यस्तो टिप्पणी गरेका हुन् ।

लोकतन्त्रको विकल्प अझ परिस्कृत लोकतन्त्र हुने उल्लेख गरेका उपमहासचिव पुनले जनताले उठाएका प्रश्नहरुको जवाफ दिने र कमजोरी सच्याएर परिमार्जन गर्दै आफूलाई पुष्टि गर्नुपर्ने बताए ।

साथै उनले जनताका मुद्दा बोकेर माओवादी सुध्रिने हो भने आगामी चुनावमा पहिलो पार्टी बन्ने दाबी गरे ।