काठमाडौं । राष्ट्रिय किताबखाना (शिक्षक), छाउनी मार्ग ताहाचलमा कार्यरत शाखा अधिकृत धनेश्वर प्रसाईं घुस रकमसहित पक्राउ परेका छन् ।

अख्तियार दुरुपयोग अनुसन्धान आयोगको टोलीले उनलाई आइतबार पक्राउ गरेको हो ।

पेन्सनपट्टा बनाइदिने प्रयोजनार्थ सेवाग्राहीसँग घुसररिसवत माग गरिरहेको भन्ने सूचना एवं उजुरी निवेदनका आधारमा अख्तियारको टोलीले तीन लाख रुपैयाँ घुससहित कार्यकक्षबाट नियन्त्रणमा लिएको प्रवक्ता नरहरि घिमिरेले जानकारी दिए ।

उनीमाथि थप अनुसन्धान अघि बढाइएको अख्तियारले जनाएको छ ।