काठमाडौं । नेपाली कांग्रेसका सभापति शेरबहादुर देउवाले युवाबिना कुनै पनि राजनीतिक पार्टी अघि बढ्न नसक्ने बताएका छन् ।

काठमाडौंमा आइतबार नेपाल लोकतान्त्रिक खेलकुद संघको महाधिवेशन केन्द्रीय निर्देशन समितिले गरेको कार्यक्रममा बोल्दै सभापति देउवाले यस्तो बताएका हुन् ।

उनले पार्टीमा युवा आवश्यक पर्ने बताए ।

‘खेलकुद जगतमा बढी लागेका साथीहरूले पनि नेपाली कांग्रेसलाई बलियो बनाउन सक्नुहुन्छ, कुनै पनि पार्टीमा युवा पुस्ता जबसम्म हुँदैन तबसम्म त्यो पार्टी अघि बढ्न सक्दैन,’ सभापति देउवाले भने ।

साथै उनले खेलकुद जगत अत्यन्तै महत्वपूर्ण भएको बताए ।