काठमाडौं । राष्ट्रिय स्वतन्त्र पार्टीका कार्यवाहक महामन्त्री कविन्द्र बुर्लाकोटीले पार्टीभित्र गुटउपगुट नभएको दाबी गरेका छन् ।

शुक्रबार पार्टी केन्द्रीय कार्यालय वनस्थलीमा बसेको सचिवालय बैठकपछि कार्यवाहक महामन्त्री बुर्लाकोटीले यस्तो दाबी गरेका हुन् ।

उनले पार्टीमा फरक मत हुन सक्ने तर गुटउपगुट नभएको बताए । साथै उनले कार्यवाहक सभापति तोक्ने विषयमा पनि पार्टीमा कुनै विमति नरहेको स्पष्ट पारे ।

पार्टीको विधानअनुसार कार्यवाहक सभापति तोकिएको उनको भनाइ छ ।