कञ्चनपुर । जिल्ला प्रहरी कार्यालय कञ्चनपुर भित्र गोली चलेको छ ।

शुक्रबार साँझ जिल्ला प्रहरी कार्यालयमा कार्यरत प्रहरी जवान चक्रप्रसाद न्यौपानेले आफैंमाथि गोली चलाएका हुन् ।

टाउकोमा गोली लागेपछि गम्भीर घाइते भएका न्यौपानेलाई तत्कालै महाकाली अस्पतालमा उपचारका लगिएको थियो ।

तर त्यहाँबाट उपचारका लागि धनगढी पठाइएको कञ्चनपुर प्रहरीले जनाएको छ ।

अछाम घर भएका प्रहरी जवान न्यौपाने जिप्रकाको प्रबन्ध शाखामा कार्यरत थिए। प्रहरीले घटनाको अनुसन्धान थालेको छ ।