काठमाडौं । नेकपा एमालेका सचिव योगेशकुमार भट्टराईले पोखरा अन्तरराष्ट्रिय विमानस्थल बिआरआई परियोजनाअन्तर्गत नभएको दावी गरेका छन् ।

शुक्रवार नेपाल नागरिक उड्डयन प्राधिकरणले आयोजना गरेको एभिएशन मिट—२०२४ मा नागरिक उड्ययन र अर्थतन्त्रबारे भएको अन्तरक्रियामा पूर्वसंस्कति, पर्यटन तथा नागरिक उड्डयनमन्त्रीसमेत रहेका भट्टराईले यस्तो बताएका हुन् ।

उनले पोखरा अन्तरराष्ट्रिय विमानस्थल बिआरआई परियोजनाअन्तर्गतको परियोजना भनेर व्याख्या गर्नु गलत भएको बताए ।

प्रधानमन्त्रीको चीन भ्रमणका क्रममा भएको बिआरआई परियोजनासम्बन्धी भएका १० परियोजनाको सम्झौतामा पोखरा अन्तरराष्ट्रिय विमानस्थल नरहेको स्पष्ट देखिएको उनको भनाइ छ ।