काठमाडौं । नेपाल प्रहरीका ७६३ जना जवानहरु सहायक हवल्दारमा बढुवा सिफारिस भएका छन् ।

सोमबार बसेको बढुवा समितिको बैठकले जनपद प्रहरी समूहतर्फका उनीहरुलाई सहायक हवल्दारमा बढुवा सिफारिस गरेको हो ।

बढुवाका लागि सिफारिस सूची प्रहरी नियमावली,२०७१ (संशोधन सहित) को नियम २७ को उपनियम ४ अनुसार प्रकाशित गरिएको प्रहरी प्रधान कार्यालयले जनाएको छ ।

बढुवा सिफारिस हुनेमा खेमराज ढकाल, गणेश बहादुर बलायर, खिम प्रसाद चापागाई, दुर्गा प्रसाद भट्ट लगाएका व्यक्तिहरु रहेका छन् ।