काठमाडौं । नेपाल प्रहरीका दुईजना अतिरिक्त महानिरीक्षक (एआईजी) लाई दर्ज्यानी चिन्ह प्रदान गरिएको छ ।

आइतबार एक कार्यक्रमकाबीच प्रहरी नायव महानिरीक्षक (डीआईजी)बाट एआईजीमा बढुवा भएका भरतबहादुर बोहरा र दुर्गा सिंह चन्दलाई दर्ज्यानी चिन्ह प्रदान गरिएको हो ।

उनीहरुलाई प्रहरी महानिरीक्षक (आईजीपी) बसन्त कुँवरले दर्ज्यानी चिन्ह प्रदान गरे ।

नेपाल सरकार मन्त्रिपरिषद्को पुस ५ गतेको निर्णय अनुसार उनीहरुलाई एआईजीमा बढुवा गरिएको थियो ।