काठमाडौं । नेपाल प्रिमियर लिगको एलिमिनेटर खेलमा कर्णाली याक्सविरुद्ध चितवन राइनोजलाई तेस्रो सफलता मिलेको छ ।

कीर्तिपुरस्थित त्रिवि क्रिकेट मैदानमा भइरहेको खेलमा चितवनका रवि बोपाराले तेस्रो सफलता दिलाएका हुन् । उनले जयकिशन कोलसावालालाई ५३ रनमा आउट गरे । यसअघि शरद भेसवाकरले दोस्रो सफलता दिलाएका थिए ।

उनले जिशान मकसूदलाई १४ रनमा क्याच आउट गराए । यसअघि सोहेल तानवीरले पहिलो सफलता दिलाएका थिए । उनले दोस्रो ओभरको पहिलो बलमै ओपनर रित गौतमलाई आउट गरे ।

चितवनले टस जितेर फिल्डिङ रोजेपछि कर्णालीले ब्याटिङ गरिरेहको छ । यो समाचार तयार पार्दासम्म कर्णाली याक्सले १३ ओभरको समाप्तिमा तीन विकेटको क्षतिमा ९५ रन बनाएर खेलिरहेको छ ।

यो खेलको विजेताले दोस्रो क्वालिफायरमा स्थान बनाउनेछ। पराजित टोली भने प्लेअफबाटै बाहिरिनेछ।