रुपन्देही । नेकपा (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले नेपाली जनताको भरोसालाई टुट्न नदिने बताएका छन् ।

रुपन्देहीको तिलोत्तमामा शनिबार आयोजित राजनीतिक प्रशिक्षण कार्यक्रममा उनले यस्तो बताएका हुन् ।

उनले पार्टीलाई थप एकताबद्ध बनाउँदै जनताका बीचमा लैजान र उनीहरूका भावनालाई समेट्ने काममा लाग्न कार्यकर्तालाई निर्देशन दिए ।

जनता र परिवर्तनका पक्षमा लड्ने पार्टी माओवादी केन्द्र भएको उनले उल्लेख गरे । उनले देशमा सुशासनका निम्ति अब समाजवादी नयाँ आन्दोलन गरिने बताए ।