बुटवल । बुटवलको तिनाउ पुलमा बोलेरो जीप दुर्घटना हुँदा तीन जनाको मृत्यु भएको छ । जीप अनियन्त्रित भई पुलको डिभाइडरमा ठोक्किएर पल्टिएको हो ।

दुर्घटनामा बुटवल–१२ नयाँ गाउँ बस्ने ७१ वर्षीय तिलकराम खनाल, उनकी श्रीमती ६७ वर्षीया गौरी खनाल र जीप चालक ३२ वर्षीय हरि न्यौपानेको मृत्य भएको इलाका प्रहरी कार्यालय बुटवलले जनाएको छ ।

गौरीलाई दमको उपचारका लागि नयाँ गाउँबाट लुम्बिनी प्रादेशिक अस्पताल ल्याउने क्रममा जीप दुर्घटना भएको बताइएको छ ।

पुल क्रस गरिसकेपछि मोडमा जीप दुर्घटनामा परेको थियो । शव पोष्टमार्टमा लागि लुम्बिनी प्रादेशिक अस्पतालमा राखिएको छ ।