काठमाडौं । नेपाली कांग्रेसका महामन्त्री विश्वप्रकाश शर्माले लोबुचे हिमालको सफल आरोहण गरेका छन् ।

उनले पाँच युवा साथीसहित ६ हजार १४५ मिटर उचाइको लोबुचे हिमालको सफल आरोहण गरेका हुन् ।

मंसिर २१ गते खुम्बु क्षेत्रमा रहेका महामन्त्री शर्मासहितको टोलीले मंसिर २७ गते राति ११ः३० बजे बेसक्याम्पबाट आरोहण सुरु गरेका थिए । टोली मंसिर २८ गते बिहान ६ः४५ बजे चुचुरोमा पुगेको थियो।

नेपालका हिमालहरूको सौन्दर्य र जलवायु परिवर्तनको प्रभाव उजागर गर्ने उद्देश्यले आरोहण गरिएको बताइएको छ ।

यससँगै महामन्त्री शर्मा संघीय संसद्का दुवै सदनको वर्तमान कार्यकालका तर्फबाट लोबुचे हिमाल आरोहण गर्ने पहिलो सांसद बनेका छन्।