काठमाडौं । नेकपा माओवादी केन्द्रले दुईदलीय व्यवस्थामा लैजाने कांग्रेस र एमालेको योजना असफल भएको निष्कर्ष निकालेको छ ।

पेरिसडाँडामा बसेको स्थायी समिति बैठकले कांग्रेस र एमालेको योजनालाई स्थानीय तहको उपनिर्वाचनले असफल बनाएको निष्कर्ष निकालेको हो ।

माओवादीले देशलाई दुई दलीय व्यवस्थातर्फ लैजाने कांग्रेस र एमालेको योजनालाई स्थानीय तहको उपचुनावले खण्डित गरेको दावी गरेको छ ।

बैठकले स्थानीय चुनाव पार्टीको लागि उत्साहजनक भएको निस्कर्ष समेत निकालेको छ ।यो सरकारप्रति हरेक पक्षमा जनतामा असन्तुष्टि, निराशा र आक्रोश रहेको माओवादीको ठहर छ ।

सरकार राम्रो काम गरिरहेका विद्युत प्राधिकरण लगायत संस्थाहरुलाई अवरोध सिर्जना गरेर देशलाई अधोगतितर्फ धकेलेको माओवादी केन्द्रले जनाएको छ ।

यस्तै माओवादी केन्द्रले केपी शर्मा ओली नेतृत्वको सरकारप्रति जनतामा तीव्र निराशा रहेको निष्कर्ष निकालेको छ । ओली सरकार देशलाई अधोगतितिर धकेल्नतिर लागिपरेको भन्दै माओवादीले आपत्ति जनाएको छ ।