एजेन्सी । भारतीय रक्षामन्त्री राजनाथ सिंह र रुसी राष्ट्रपति भ्लादिमिर पुटिनबीच भेटवार्ता भएको छ ।

रुस भ्रमणमा रहेका राजनाथले मंगलबार मस्कोमा भ्लादिमिर पुटिनलाई भेटेका हुन् ।

भारतको रक्षा मन्त्रालयले एक विज्ञप्ति जारी गर्दै रक्षामन्त्री सिंह र रुसी राष्ट्रपति पुटिनबिच भारत-रूस अन्तरसरकारी आयोगको २१औँ सत्रका दौरान सैन्य तथा सैन्य प्राविधिक सहयोगका विषयमा वार्ता भएको जनाएको छ।

यस क्रममा रक्षामन्त्री सिंहले पुटिनसँग द्विपक्षीय रक्षा सहयोगका विभिन्न विषयमा छलफल गरेको बताइएको छ ।