काठमाडौं । चलचित्र ‘पुष्पा–२ः द रुल’ आजबाट हलमा लागेको छ । वर्षकै प्रतिक्षित चलचित्र आजबाट रिलिज भएको हो ।

नेपालमा यो चलचित्रले ठूलो संख्यामा शो पाएको छ । ‘पुष्पा–२ स् द रुल’ले देशकै ठूलो मल्टिप्लेक्स क्यूएफएक्स लगायत अधिकांश हलका अधिकांश शो पाएको छ ।

बिहान ४ बजेलेखि राति १२ बजेसम्म शो निकालेर हलले ‘पुष्पा–२’को टिकट बिक्री गरिरहेका छन् । पहिलो दिनका धेरै शो हाउसफूल भएका छन् ।

यो चलचित्रले ठूलो परिमाणमा बक्सअफिस कलेक्सन गर्ने अपेक्षा गरिएको छ । चलचित्र ‘पुष्पा–२’ मा दक्षिण भारतीय अभिनेता अल्लु अर्जुन र अभिनेत्री रश्मिका मन्दना मुख्य भूमिकामा छन् ।