काठमाडौं । क्रिकेटर सन्दीप लामिछानेका कानुन व्यवसायी सरोजकृष्ण घिमिरेले नेपाल प्रिमियर लिग (एनपीएल)मा आफ्नो समर्थन चितवन राइनोजलाई भएको बताएका छन् ।

काठमान्डु गुर्खाजसँगको खेल हेर्न टीयु खेल मैदान पुगेका घिमिरेले एनपीएलमा चितवन राइनोजलाई आफ्नो बलियो समर्थन रहेको बताएका हुन्।

सन्दीप लामिछाने भने विराटनगर किंग्सको कप्तान रहेका छन् ।

आफु सन्दीपको कानुन व्यवसायी भएपनि आफ्नो समर्थन भने चितवन राइनोजलाई भएको घिमिरेले बताए ।

आजको खेलमा चितवन राइनोजले काठमान्डु गुर्खाजलाई जितेपछि घिमिरेले खुसी व्यक्त गरेका थिए ।

घिमिरे चितवनका बासिन्दा पनि हुन् ।