एजेन्सी । दिल्लीका पूर्व मुख्यमन्त्री अरविन्द केजरीवालमाथि शनिबार तरल पदार्थ प्रहार भएको छ ।

अरविन्द केजरीवाल शनिबार साँझ दिल्लीको ग्रेटर कैलाश क्षेत्रमा पदयात्रा गरिरहेका बेला अचानक भीडबाट कसैले उनीमाथि तरल पदार्थ फालेका हुन् ।

दिल्ली पुलिसले तरल फ्याक्ने व्यक्तिलाई हिरासतमा लिएको छ।

आम आदमी पार्टीका नेता तथा दिल्ली सरकारका मन्त्री सौरभ भारद्वाजले यस घटनाको लागि भाजपालाई दोष दिएका छन् । प्रहरीले आरोपित अशोक झालाई हिरासतमा लिएर सोधपुछ गरिरहेको छ ।